Барилга, хот байгуулалтын яамны /БХБЯ/ Төрийн нарийн бичгийн дарга Б.Төмөрхуяг нь холбогдох яам, агентлагийн удирдлагын хамт геодези, зураг зүйн салбарт ажиллаж байгаа хувийн хэвшлийн болон төрийн бус байгууллагын төлөөлөлтэй уулзаж, тус салбарын өнөөгийн байдал, цаашид авах арга хэмжээний талаар санал солилцлоо.

БХБЯ, Барилга, хот байгуулалт, нийтийн аж ахуйн үндэсний төвөөс хамтран аймгуудын Хот байгуулалт, барилга, захиалагчийн албадын ажлын хэрэгцээнд шаардлагатай компьютер, тоног төхөөрөмж хүлээлгэн өгөв.

Шинэ засгийн газар байгуулагдсаны 100 хоногийн арга хэмжээний үеэр  Барилга, хот байгуулалтын яам “Нээлттэй хаалганы өдөр”-ийг 2008 оны 03 дугаар сарын 14-18 –нд зохион байгуулж,  дараах ажлуудыг хийж гүйцэтгэв.

 1.Монгол улсын Засгийн газраас 2008 онд Мянганы хөгжлийн зорилтуудыг хэрэгжүүлэх, бүс нутгийн хөгжлийг дэмжиж, 2007 оны Их бүтээн байгуулалтын ажлыг үргэлжлүүлэх, хот байгуулалтын бодлогыг эрчимжүүлэн, инженерийн шугам сүлжээг сайжруулах бодого баримталж, дэд бүтцийн салбар дахь гадаад, дотоодын хөрөнгө оруулалтыг нэмэгдүүлэн, хүн амаа орон сууцжуулах хөтөлбөр хэрэгжүүлж байгаа энэ үед барилгын салбарын байгууллагуудын өнгөрсөн оны ажлыг дүгнэж, энэ оны зорилтыг тодорхойлох зорилгоор “Барилгын салбарын удирдах ажилтны зөвлөгөөн” –ийг 2008.03.14 –нд Улаанбаатар хотод зохион явуулав. Зөвлөгөөнд нийслэл хот болон 21 аймгаас нийт 520 гаруй зочид төлөөлөгчид оролцож, зөвлөгөөний шийдвэрийг хэрэгжүүлэх төлөвлөгөө гарган ажиллаж байна.